Юлда машинадан төшереп калдырылган егет суыкта катып үлгән
Юлда машинадан төшереп калдырылган егет суыкта катып үлгән
Чиләбе өлкәсенең Фершампенуаз авылында яшәгән 21 яшьлек Михаил исемле егет Верхнеуральск һәм Кассель шәһәрләре арасындагы трассада катып үлгән.
Яшьләр бер егетне армиягә озатып, машинада шәһәргә илтеп куялар. Кайтканда машинада утырган егетләр арасында тавыш чыга. Машина йөртүче 21 яшьлек егетне трассада төшереп калдыра.
Егет өенә кайтып җитмәгәч, "Вконтакте" төркемендәаны эзли башлаганнар. Соңрак егетнең исерек булуы, өенә кайтып җитә алмыйча катып үлүе ачыклана. Аның туганнан туган сеңлесе: "Табылды, үлгән. Аның кабәхәт "дуслары" төшереп калдырганнар. Кайтып җитә алмаган, катып үлгән", - дип язган.
Бу эш буенча тикшерү бара. Әлегә җинаять эше кузгатылмаган.