Юлда барган фурадан төшкән боз «Тойота» тәрәзәсен ваткан — фото

15 ноябрьдә Түбән Кама юлыннан барган йөк машинасы өстеннән очып төшкән боз кисәге узып баручы машинаның алгы тәрәзәсен тишкән. Бу турыда «Татар-информ» агентлыгы авария шаһитларына сылтама белән хәбәр итте.

Беренчел мәгълүматлар буенча, вакыйга «Биклән» тимер-юл кичүе тирәсендә була. Фура прицебы өстеннән төшкән зур боз кисәге «Тойота» кроссоверы тәрәзәсен вата.

Фотодан күренгәнчә, боз машинаның капотын да җитди җимергән. Алгы тәрәзәдә зур тишек барлыкка килгән.