Юлда адекват булмаган йөртүчене ничек белергә?
Рульдә килеш телефоннан сөйләшүчеләрдән ераграк тору хәерле, ди белгеч.
Юлда адекват булмаган машина йөртүче кисәк кенә тизләнеп китә, кисәк кенә тормозлый. Ул дистанцияне сакламый, утларын яндырмыйча гына, полосадан полосага күчеп йөри. Бу турыда автомобиль эксперты Егор Васильев «Прайм» агентлыгына сөйләгән.
Аның сүзләренчә, йөртүчеләрнең күбесе тәҗрибәсезлеге, яки стресс кичерүе аркасында юл йөрү кагыйдәләрен боза. Мондый йөртүчеләр, кагыйдә буларак, маневрларны бик акрын ясый, башкалар комачаулый.
Васильев рульдә килеш телефоннан сөйләшүчеләрдән ераграк торырга киңәш итә. Алар еш кына кирәкле борылышны узып китә, аннары шул урынга кабат бару өчен төрле сәер хәрәкәтләр эшли башлый, диелә хәбәрдә.