Юл уртасында торган караватта ир-ат мәете табылган (видео)

Согуд Гарәбстанының Абха шәһәрендә юл уртасында торган караватта ир-ат мәете табылган. Бу турыда «Вести» каналы хәбәр итте.

Куркыныч табылдыкны узып баручылар күреп ала. Юл уртасында торган караватта мәет ята. Аның өсте җәймә белән капланган була. Шаһитлар полиция чакырта. Урынга килгән хокук саклаучылар караватка бәйләп куелган 30 яшьлек ир-ат мәетен күреп ала.

Бу ир-атның күп тапкыр атып үтерелгән булуы ачыклана. Аның тәнендә берничә дистә ядрә табыла. Бу кешенең мигрант булуы билгеле.

Хәзерге вакытта бу эшне полиция тикшерә. Мигрант ир-атны юлда атып үтергәннәрме, әллә үтереп юлга чыгарып куйганнармы — әлегә билгесез.