Юл инспекторы булып эшләүче ир-ат 20 яшьлек кызының башына пистолеттан аткан
Таксида кайтып барганда әти белән кыз талаша башлый.
Мәскәү өлкәсендә ЮХИДИ инспекторы булып эшләүче ир-ат 20 яшьлек кызының башына пистолеттан аткан. Алина исемле кыз яраланган, ул авыр хәлдә хастаханәдә ята. Бу турыда РЕН ТВ хәбәр итте.
Алина хәзер реанимациядә дәвалана. Аның чигә сөяге сынган, баш мие имгәнгән.
Сергей В. исемле полиция хезмәткәре кызы белән бергә кафеда бәйрәм чарасында була. Аннары алар икесе таксига утырып кайтып китә. Машинада барганда әти белән кыз талаша башлый. Машинада ук әти кеше «Оса» пистолетын тартып чыгара һәм кызының башына атып җибәрә. Аннары ул фаҗига урыныннан качып китәргә маташкан дигән белешмә дә бар.
«Үтерергә маташу» маддәсе буенча җинаять эше ачылган.