Югары суд Актаныш районы башлыгы урынбасарын сак астына алуны законлы дип тапты
Бүген Татарстан Республикасы Югары суды Актаныш муниципаль районы башлыгы урынбасары Илшат Габделхәевны сак астына алу турында карарны законлы дип тапты. Аны вәкаләтләрен арттырып куллануда һәм аеруча зур күләмдә ришвәт алуда шикләнәләр. Бу мәгълүматны «Татар-информ»га судның матбугат хезмәте раслады.
Район башлыгы урынбасарының тоткарлануы турында 12 ноябрьдә билгеле булды. 14 ноябрьдә Чаллы шәһәр суды аны 2026 елның 10 гыйнварына кадәр СИЗОга җибәрде.
Түрәгә 15 елга кадәр ирегеннән мәхрүм итү җәзасы яный, диелә хәбәрдә.
- Актаныш районы башлыгы урынбасарын тоткарлаганнар, дип язган идек.