Югары Осландагы автоһәлакәттә өч кеше үлгән
Беренче гыйнвар кичендә Югары Осландагы трассада Chevrolet Aveo һәм Dodge автомобильләре бәрелешә.
Казан-Ульяновск трассасының дүртенче километрында (Югары Ослан районы, Лесные Моркваши авылы яны) Шевроле автомобилен йөртүче 23 яшьлек кыз идарәне югалта, каршы як полосага чыгып Додж һәм автомобильләрен бәрдерә.
Шевроле автомобилендә кысылып калган дүрт пассажирны коткаручылар чыгара. Аларның берсе авария булган урында ук һәлак була, тагын берсе ашыгыч ярдәм машинасында, өченчесе хастаханәгә алып килгәч үлә. Тагын ике кеше авыр тән җәрәхәтләре ала.
Һәлакәт булган урынга район прокуроры килгән.