Испаниядә югалган 39 яшьлек ир-атның мәетен зур динозавр сыны эченнән тапканнар. Бу хакта Daily Star басмасына сылтама белән РЕН ТВ хәбәр итә.
Полиция мәгълүматларына караганда, Барселона шәһәре читендә торган стегозавр сыны эченә ир-ат ялгыш телефонын төшереп җибәргән һәм аны үзе алырга тырышкан. Ул динозаврның бер «аягы» эченә кергән, тик шунда кысылып калган һәм кире чыга алмаган.
Мәетне берничә көннән соң гына тапканнар. Урамнан үтеп баручылар сын эчендә шикле әйбер булуын күреп, ашыгыч хезмәтләрне чакырган. Коткаручылар сынның бер өлешен кисеп, мәетне тартып чыгарган.
Мәет табылганнан соң, динозавр сынын сүтеп ташлаганнар.