Югалган 17 яшьлек Айгизнең мәетен юл буеннан тапканнар
Башкортстанда быел 17 мартта югалган 17 яшьлек Айгиз мәетен зур юл буеннан тапканнар.
Мәет кар астында булып, хәзер кар көртләре эрегәч килеп чыккандыр дип фаразлыйлар.
"Башинформ" хәбәр иткәнчә, Айгиз әбисе белән яшәгән. Әти-әниләре аерылышкан һәм төрле төбәкләрдә яшиләр. Егет Баймактан туган авылы Куянтауга чыгып киткән булган. Тик кайтып җитмәгән.
Тикшерү комитеты яшүсмернең үлеме сәбәпләрен ачыклый.
Моңа кадәр попутка белән өенә кайтырга чыккан 17 яшьлек Айгиз Насыровны якыннары эзли дип язган идек.