видеодан скриншот
Бүген Юдино бистәсендә яңа туган ике бала мәете тапканнар. «Татарстан 24» каналы аларның үле килеш тууын хәбәр итте.
Мәетләр су манарасы янында пластик контейнерда була. Савытны эте белән йөрүче ир-ат күреп ала. Эт мәет исен сизгән. Сабыйлар пеленкага төрелгән булган.
«Татарстан 24» каналының үз чыганагы белешмәсе буенча, экспертиза уздырганнар. Сабыйлар туганда ук үле булган. Яралгылар 5-6 айлык чамасы.
Закон буенча, бу очракта җинаять эше ачылмый. Шулай да тикшерү эшләре оештырыла, диелә хәбәрдә.
РЕН ТВ каналы белешмәсе буенча, мәетләр игезәк малайлар була, алар биредә 2 көн чамасы яткан.