«Юбилеен ковид-госпитальдә каршылады» - Йөз яшьлек аксакал коронавирусны җиңгән
Бабайны ун көннән соң хастаханәдән кайтарып җибәргәннәр.
Дагыстанда ковид-госпитальдә дәваланып терелгән 100 яшьлек бабайны өенә кайтарып җибәргәннәр. Бу турыда РЕН ТВ хәбәр итте.
100 яшьлек Казамат Казаматов коронавирус белән авырып терелгән. Аны Махачкала шәһәренең 1нче санлы хастаханәсенә 10 көн элек китергәннәр. Бабай бик авыр хәлдә булган.
«Пәнҗешәмбе ул үзе сулыш ала башлады, аннары уңай динамика күзәтелде. Бүген табиблар аксакалны өенә җибәрү турында карар кабул итте», — дигәннәр медицина оешмасында.
Табиблар сүзләренчә, бабай 100 яшьлек юбилеен 15 июньдә госпитальдә каршылаган. Аны өенә тантаналы рәвештә озатканнар.