Барлык язмалар news_header_top_970_100
news_header_bot_970_100
Язманы тыңлагыз

«Әйткән сүз чыпчык түгел!» - Зәйнәб Фәрхетдинова Илсөя Бәдретдиновага шелтә белдергән

Илсөя Бәдретдинова үз концертында Зәйнәб Фәрхетдинова һәм Зөфәр Билалов хакында сөйләгән.

news_top_970_100
«Әйткән сүз чыпчык түгел!» - Зәйнәб Фәрхетдинова Илсөя Бәдретдиновага шелтә белдергән
Салават Камалетдинов

Татарстанның халык артисты Зәйнәб Фәрхетдинова Илсөя Бәдретдинованың сөйләгәнен Инстаграм битенә урнаштырып, җырчыдан аңлату таләп иткән. «Качып карап торган булсаң гына инде, җаныкаем. Безнең грим бүлмәсендә нәрсә күргән идең шулкадәр? Парлыларга, Зөфәр абыең белән Зәйнәб Фәрхетдиновага күп оракта аерым бүлмә бирәләр иде! Минем сине үз янымда бик күргәнем булмады, хәтердә калмаган. Аңлат әле миңа, нинди „юмор“ бу, сеңлем? Концертыңа барырга җай чыкмады», — дип язган Зәйнәб Фәрхетдинова.

«Хөрмәтле Зәйнәб апа, мин сезне бик зурлап сөйлим анда! „Бәләкәй чактан аларга охшарга тырышып үстем, чиксез хөрмәт итәм, дуэтны аларга кызыгып җырлыйм“, — дип. Ә сезгә бер өлешен генә җибәргәннәр, шуңа аңлашылмый. Һич кенә дә начарлап сөйләмәдем», — дип җавап биргән Илсөя Бәдретдинова үзе.

«Әйткән сүз чыпчык түгел, очып киткәч тота алмыйсың шул!» — дип язган Зәйнәб Фәрхетдинова.

«Мин онлайн талашуга каршы! Бер күрешү - үзе бер гомер», — дип комментарий калдырган җырчы, пародист Данир Сабиров.

«Зәйнәб белән Зөфәр грим бүлмәсендә нәрсә генә эшләсәләр дә, алар ир белән хатын. Ә менә инде качып күзәтеп тору — зур түбәнчелек, мәгънәсезлек һәм тәрбиясезлек!», «Зәйнәб белән авыз чайкарга Илсөягә бик иртә әле», «Җәмәгать, мин Илсөя концертында булдым. Ул матур итеп сөйләде Зәйнәб белән Зөфәр турында. Зәйнәб, үпкәләмә, ул сезне буй җитмәслек матур пар, дип сөйләде. Мондагы өзеккә ышанып утырмагыз, зинһар!», «Җырчы җырларга тиеш. Сәхнәгә чыгып теләсә нәрсә сөйләргә кирәкми!» — дип үз фикерләрен белдергән инстачылар.


Комментарийлар (0)
Калган символлар:
news_right_column_1_240_400
news_right_column_2_240_400
news_bot_970_100