Ысланган елкы итеннән салат

Кирәкле продуктлар:

ысланган елкы ите — 40 г, помидор — 30 г, кишер — 10 г, шалкан — 30 г, башлы суган — 10 г, айсберг салаты — 30 г, төелмәгән борыч, яшел тәмләткечләр

Соус өчен: каймак — 30 г, гәрчич — 10 г, тәменчә тоз, шикәр комы.

Эш барышы.

Помидорны, юка итеп түгәрәкләп кисеп, яссы тәлинкәгә тезәбез.

Айсберг салатын, өзгәләп, салат савытына салабыз. Елкы итен юка телем­нәргә кискәлибез, шалкан белән кишернең кабыгын әрчеп, токмачлап турыйбыз, суганны — ярым боҗралап.

Барысын да бер савытка салабыз. Өстенә соус салып болгатабыз.

Аннары помидор тезелгән яссы тәлинкәгә салып, яшел тәмләткечләр һәм төелмәгән борыч белән бизибез, вак помидор да куярга мөмкин.

Рецепт «Татар халык ашлары» китабыннан алынды. Китапны tatkniga.ru сайтыннан сатып алырга була.