Баталов исемендәге Бөгелмә драма театры директоры Эльвира Сибгатуллина-Челик, ышанычны югалту сәбәпле, эштән азат ителде. Бу турыда «Татар-информ» яза.
Татарстан прокуратурасы хәбәр иткәнчә, директор коррупциягә каршы көрәш турындагы законны бозган — ул үзенең әнисен театрга эшкә алган. Моннан тыш, әнисенә башка хезмәткәрләр белән чагыштырганда күбрәк күләмдә бер тапкыр бирелә торган түләүләр билгеләгән.
Прокуратура таләбе буенча театр директоры вазифасыннан азат ителгән, диелә хәбәрдә.