Зөлфирә Шәйдуллина-Мирзаянова социаль челтәрдәге сәхифәсендә маҗараларсыз яши алмавы турында яза. Җырчы, бәби алып кайтканнан соң, гәүдәсен тәртипкә китерергә керешкән. Шундый процедураларның берсе вакытында ул пешкән.
«Урамга бер генә чыктым бүген, анда да суга батып кердем. Мин гомумән көнгә 4-5 «косяк» ясамыйча булдыра алмыйм. Алмаз аптырамый да инде…
Мисал өчен, бүген мунча керер алдыннан «холодное обертывание» ясарга тиеш идем. Ясадым мин аны, әмма ул кайнар булган!
Алмаз имән себеркесе, мәтрүшкә, иссоп (дару үләне) пешереп куйган. Ә мин… Ә мин к..емне пешердем. Алай дип язганга ачуланмагыз. Йөрәгем дә, артым да пеште».
«Ишек тоткаларын да сөртеп чыкмаган булсаң, минем колак янмаган булыр иде», – дип язган җырчының ире Алмаз Мирзаянов.
Артист язылучыларының кәефен күтәргән, шат смайликларны тезгәннәр.
«Миндә дә бар ул бер банка. Бер сәгать үрле-кырлы сикерткән иде», «Бик авырткандыр инде», «И җаныкай», «Минем аякка да хәйран төште бүген. Кеше эшләгәнне эшләп карыйм әле, дигән идем», «Мин дә ясадым. Үләм дип торам, бөтен җирем янды», – дип язган җырчының хәлендә булып караучылар.