Зинира һәм Ризат Рамазановлар социаль челтрәдәге сәхифәләрендә «сәхнә арты тормышыннан» видео куйган.
«Менә Апаска килеп җиттек, кызлар бизәнә, Зинира «доза» әзерли. Бу юлы кемгә инде?» – дип сорый Ризат шприц тоткан тормыш иптәшеннән.
Видеода күренгәнчә, Зинира төркемдәге егетләрнең берсенә укол кадарга җыена. Алмаз билен авырттырган.
Зинира белән Алмаз аерым бүлмәгә кереп киткәч, видео төшерүче Ризат та алар артыннан иярә.
«Минем карап торасым килә, сез икегез генә бүлмәдә нишлисез?» – ди ул.
«Анысын төшермә инде», – ди Алмаз.
