Җырчы Рузилә Хәердинова Чирмешән блогера Равил Закиров белән төшкән фотосын куйган. Равил Закировны бер карауда гына танып та булмый, кара костюм-чалбардан, кара күзлектән.
«Без бергә матур гына күренәбез», – дип тә халыкның кызыксынуын уяткан Рузилә Хәердинова.
«Кушылсалар, Рузилә тәртипкә утыртыр иде аны» дип язучыга «булмастыр, ул кеше сүзен ишетми, үзен бик ярата» дип җавап язган икенчесе.
Шул ук сүзләргә каршы килүчеләр дә бар. «Икегез пар алма, Равил нык яхшы кеше», «Икегез пар, кушылыгыз инде» дип тә комментарий калдырганнар.
«Кая инде пар килсеннәр ди. Яшьләре туры килми», «Пугачева белән Галкин» дип үз фикерләрен дә калдыручылар бар.