Җырчы Миләүшә Сафина үзенең сәхифәсендә искиткеч матур яңалык җиткерә. Ул дүртенчегә әни булачак.
«Мин Аллаһ Тәгаләдән көч сорадым, ә ул миңа мәхәббәт бирде. Барысын да җиңеп чыгарга шул җитте. Балам, без сине бик тә көтәбез», – дип яза, туачак сабыеның УЗИдагы фотосын күрсәтә ул үзенең сторисларында.
Миләүшә һәм аның тормыш иптәше Фагыйль өчен сәхнәдәш дуслары бик шатланган. «Котлыйбыз. Исән-сау табарга насыйп булсын», «Ура, Аллаһ бәхетен өеп бирсен», «Бәхет, исән-сау күтәреп чыгарга насыйп булсын», «Төгәл саны сау булып, игелекле бала булсын», – дип комментарийлар калдырганнар.
Җырчының беренче никахыннан кызы Мәрьям бар. Ире Фагыйль белән никахлашкач, яшь гаиләнең ике улы дөньяга килде.