Җырчы Мәликә социаль челтәрләрдәге дусларына зур куанычын җиткерде.
«Бүген минем өчен бик дулкынландыргыч көн. Россия Федерациясе Президенты Указы нигезендә миңа Россиянең атказанган артисткасы дигән мактаулы исем бирелде», – дип яза ул.
«Мәликә, син булдырасың Минем котлауларымны кабул итеп ал, молодец кыз син»;
«Синең искиткеч талантың һәм күпьеллык иҗатың шулай югары бәяләнүгә шатбыз. Котлыйбыз, кадерлебез! Алга таба да югары үрләр яула!»;
«Мин – сезнең күптәнге фанатыгыз. Сезнең иҗатны бик хөрмәт итәм»;
«Син инде безнең өчен күптән халык артисты! Талант!» – дип язалар аңа.
Шуны да билгеләп үтәргә кирәк, Мәликә үзенең иҗат юлын татар сәхнәсендә, «Барс-Медиа» продюсерлык үзәге аша башлаган иде. Соңгы елларда ул Мәскәүдә яши, кинода төшә һәм Татарстанда сирәк кенә чыгыш ясый, ә татар телендә җырлары соңгы елларда бөтенләй ишетелми диярлек.
«Сөйдем сине, син дә мине
Сөяреңә ышанып.
Әле дә сөям, әле дә сөям,
Әле дә сөям шашынып» дип җырлаучы Мәликәне хәтерлисезме?
