Җырчы Лилия Биктимерова сторисларында тормыш иптәше Фәдис Ганиевтан зарланган. Алар арасында ябыштырылган чәчләргә кагылышлы аңлашылмаучанлык килеп чыккан.
«Чәчемне буятып, яңадан үстерергә барырмын, дигән идем. Менә бу ир үстерергә («чәч бөртекләре ябыштырып, озынайтырга» мәгънәсендә – ред.) рөхсәт итми миңа. «Нәрсәгә кирәк ул сиңа? Нинди чәч икәнен каян беләсең син аның?» – ди.
«Себерке ул», – дип сүзгә кушыла янәшәсендәге ире. «Әллә каян алып ябыштырган, җит җисем себерке була. Әллә берәр мәетнеке ул? Кемнекедер дип уйлыйсың син ул чәчләрне? Чәче әрәм булмасын дип, мәетләрдән алып саталар», – дип куркыта хатынын Фәдис Ганиев.
«Тәүбә диген! Гомер бернинди чәч үстермәслек итә шушы. Коточкыч!» – дип көлә аннан Лилия Биктимерова.
«Ирегезгә каршы килмәгез, Лилия, аңы тыңлагыз», «Фәдис дөрес әйтә, хәзерге прическагыз үзегезгә бик килешеп тора», «Чыннан да кирәкмәс. Үз чәчегез үскәнне көтәргә була бит», «Чәч – энергетиканы саклый торган нәрсә. Үзегезнекен озын итеп үстерегез», – дип киңәш иткәннәр аңа язылучылары да.