Җырчы Иркә төркеме «Үпкәләмә язмышка» клибын төшергәндә дистәдән артык термос чәй эчкән

Җырчы Иркәнең «Үпкәләмә язмышка» дигән клибы барлык музыкаль мәйданчыкларга чыкты. Җырның авторы –Хәмит Мәткәримов.

«6 сәгать салкында! 12 термос чәй! Ап-ак киемнәр көн ахырына, сикереп биеп, тауларда шуып, көрән төс алды. Куллар катты, минеке – бигрәк тә. Урамда, паркларда безгә, салкын кышкы көндә «үпкәләмә» дип кычкырып җырлап йөргән адәмнәргә, бөтен кеше елмаеп, яратып карады, дип уйламагыз. Сәерсенеп караучылар да булмады түгел. Әмма без үзебезнекен эшләдек», – дип язган җырчы.

Дәртле, күңелле клипны караучылар «шәп» дип бәяләгән.