Җырчы Иркә Резедә Кадыйрованың «Бер түзәр әле җаным» җырын яңартып яздырган. Бу хакта ул социаль челтәрдәге сәхифәсендә яза.
«Ниһаять, сез сораган җыр чыкты. Рәхим ит, яраткан тамашачым. Барлык музыкаль мәйданнардан таба аласыз.
Илдар Ногманов сүзләре һәм көе.
Авторга, миңа кадәр бу җырны тамашачыга җиткергән Резедә апа Кадыйровага рәхмәт. Яңа сулыш биреп, сезгә тәкъдим итү теләген уңай кабул иткәнегез өчен, тамашачыма мең рәхмәт».
«Син молодец! Бу хитка яңа сулыш биргәнсең», «Ниһаять, чыкты, премьера белән», – дип куанган җырчының иҗатын яратучылар.