![Җырчы Ильвинаның балачак дусты һәлак булган: «Танкист иде»](https://intertat.tatar/resize/shd/images/uploads/news/2023/11/18/7c3bf27aa701a359e5e51492c414704a.jpg)
Татар эстрадасы җырчысы Ильвина социаль челтәрдә кайгысы белән бүлеште: аның балачакта бергә уйнап үскән дусты һәлак булган.
«Бергә уйнап үскән күрше егетен соңгы юлга озаттык. Танкист иде… Былтыр хәбәре килми башлады. Элемтә өзелде. Әнисе елдан артык эзләде. Тапты. Әмма… Кайтмады», – дип, җырчы җан өшеткеч сүзләр язып калдырган.
Табутны күтәреп бару күренешен Ильвина үзенең «Кайт, балам, кайт инде, ашларың суына. Көн саен чыгам мин басу, кыр юлына» дигән сүзләре булган җыр белән күрсәтә.