Җырчы Ильвина социаль челтәрдәге сәхифәсендә фин ухасы рецепты белән бүлешкән.
Ингредиентлар: кызыл балык, суган, кишер, петрушка, түгәрәк борыч, тоз, бәрәңге, 10 процентлы сөт өсте (сливки).
Балык башы һәм сөякләреннән шулпа кайнатырга куярга. Яшелчәләрне пергамент кәгазьгә куеп, пешереп алырга. Аннары суга салырга, петрушка сабаклары салып кайнатып алырга. Аннары шулпаларны сөзәргә һәм бергә кушарга.
Шулпага кишер, суган, сельдерей, бәрәңге салырга. Бәрәңге пешкәч сөт өсте өстәргә һәм кайнатып чыгарырга. Пешмәгән балык филесын турап салырга һәм 3 минут тотарга. Соңыннан тоз, борыч, укроп салырга һәм сүндерергә.
Тәмле булсын!
Фотолар Ильвинаның социаль челтәрдәге сәхифәсеннән.
