Җырчы Ильвинадан алма галетасы рецепты

Җырчы Ильвина социаль челтәрдәге сәхифәсендә алма галетасының рецепты белән уртаклаша.

Ингредиентлар: 4 алма, 1 йомырка, 150 грамм атланмай, 50 грамм шикәр комы, 50 грамм шикәр оны (сахарная пудра), 250 грамм он, 2 аш кашыгы су.

Май белән онны бергә уарга, йомырка, шикәр оны салып камырны басарга.

Алманы юарга, ваклап турарга, атланмайда, шикәр сибеп, 3-4 минут кыздырып алырга.

Аннары пирогның өстенә сибү өчен валчык ясарга. Шикәр комы, май, онны бер микъдарда (20 грамм) алырга, уарга.

Камырны җәяргә, эчлек салганда кырыйларын буш калдырырга, аннары аны эчлек өстенә капларга һәм ачык калган алма өстенә валчыкны сибәргә.

180 градуска кадәр кызган духовкада 20-25 минут пешерергә.

Чәйләрегез тәмле булсын!