Яңа гына гаилә корган җырчы Илназ Гариповны блогер Олеся Лесная тотып алган һәм уңайсыз сораулар бирергә тырышкан.
Илназ, сәлам! Син күптән түгел генә өйләндең. Хатының Эльвина. Ул кайсы өлкәдән?
Аңа 30 яшь тулды, миңа – 36. Түбән Кама районыннан, икътисадчы.
Ничек таныштыгыз? Берәр кызык әйбер булмадымы?
Кукмара районында таныштык. Ренат Галиәскәр таныштырды.
Үзе өйләнә алмый инде, сезне таныштырган.
Минем хәзер аңа әҗәтем бар.
Айга ничә сум акча эшлисең? 300 мең сумнан күбрәкме, азракмы?
Минус та, плюс тә булырга мөмкин. 300 мең сумнан азрак... Бу пәлтәгә 3 ел, бу ботинкага 10 елдыр инде, монысын базардан алдым.
Ничә ел үстердең бу чәчеңне?
1 ел.
Озын һәм калынрак булган саен матуррак? Нәрсә ул?
Чәч! Хәзер бу чәч турында хейтерлар күп язачак. «Кыска чәч белән шулкадәр матур идең», «Энем, алдыр инде бу чәчеңне», «Өйләнгәч ямьсезләндең» дип язачаклар.
Әмма бу видео астына: «Стильный, супер», «Озын чәч тә килешә Илназга! Изюминка!», «Бу имиджы хатынына ошыйдыр» кебек сүзләр язып калдырганнар.
«Өйләнгәче матуррак идең», – дип шаярткан дусты Ренат Галиәскәр.