Җырчы Гөлүс Хәбибрахманов ашарга пешерергә ярата. Социаль челтәрдә еш кына рецептлары белән уртаклаша, яңа пешкән ризык белән песиен дә сыйларга онытмый.
«Тәмле һәм җиңел кичке аш» дип, бу юлы ул яшелчәләр белән скумбрия балыгын пешерергә тәкъдим итә.
Ингредиентлар: балык, пешкән бәрәңге, татлы борыч, суган, ташкабак, тәмләткечләр.
Балыкны чистартырга, урталай бүләргә, өстен пычак белән кискәләргә һәм маринад ясарга. Тоз, балык тәмләткече, кипкән сарымсак, петрушка, паприка, зәйтүн мае салып болгатырга.
Табага пергамент кәгазе җәяргә, анда беренче итеп бәрәңгене салырга, аннары туралган яшелчәләрне, тоз һәм борыч сибәргә, өстенә балыкны куярга, аны маринад белән майларга.
Духовкада 15-20 минутта пешеп чыга.