Татарстанның атказанган артисты, шәһәр филармониясе җырчысы Флорит Гыйздәтуллин сөйгәне Рузилә Булатовага тәкъдим ясаган. Ул аны кар мотоциклы белән төнге урманга алып барган. Анда исә янып торган хәрефләр белән «чык миңа кияүгә» дип язылган. Җырчы Рузиләгә йөзек һәм чәчәк бәйләме бүләк иткән.
«Ул «әйе» дип әйтте», – дип язып, романтик видеоны Флорит социаль челтәрләргә куйган.
Рузилә Булатова да – җырчы. Ул Казан мәдәният һәм сәнгать университетында Венера Ганиева классын тәмамлаган.
Бу – Флорит Гыйздәтуллинның икенче никахы. Аның беренче тормыш иптәше – Татарстанның атказанган артисткасы Алсу Гыйздәтуллина.