Җырчы Фирүзә Париж гаиләсенә кайгы килгән – аның әбисе вафат булган. «Олы әсәем китеп барды...» – дип яза ул социаль челтәрләрдә һәм әбисе белән төшкән соңгы видеосын куйган.
Фирүзә Париж «Интертат»ка интервьюда: «Кечкенә вакытымның якты хатирәсе – ул әбием. Әбиемнең әкият-хикәятләрен, тормыш гыйбрәтләрен тыңлап үстем. Әбиле бала, гомумән, бик бәхетле бала бит ул. Ул синең сердәшчең дә, ярдәмчең дә, киңәшчең дә. Әби – тормыш укытучым булды, мине бик күп нәрсәгә өйрәтте», – дип сөйләгән иде.
