Җырчы Динә Латыйповадан көн кадагына туры килерлек шигырь: «Кешеләр... Бүреләр...»

Җырчы Динә Латыйпова социаль челтәрдәге сәхифәсендә көн кадагына туры килерлек итеп язган шигырен тәкъдим иткән.

«Ах бүреләр, бу кадәр усал түгелләр», «Көн кадагына туры килә торган шигырь. Нәкъ шулай. Мәгънәле», «Дөрес язгансың», «Бик мәгънәле шигырь юллары, кат-кат укыдым», – дип комментарий калдырган шигырьне укучылар.

«Бүреләр… Кешеләр…

Нигә соң без шундый кешеләр?

Усал. Ач бүренең дусты ишеләр…

Без, кешеләр, кайчак бүреләрдән

Артыграк явыз булабыз,

Бүре түгел, адәм балалары

Бер-беребезнең канын коябыз.

Ә үзебез соры ерткычларны

«Усал җаннар» дип уйлыйбыз,

Тик кайчакта, шушы бүреләрдән,

Явызлыкта кимен куймыйбыз.

Бүре явы кебек ташланабыз,

Телем-телем өзеп ташларга.

Белмәсәк тә, башкаларны сөйләп,

Тотынабыз гайбәт сатарга.

Ач бүреләр кебек ябырылып,

Әй тетәбез адәм баласын.

Күрмибез бит кеше сукмагында

Кайда агы, кайда карасын.

Ә бүреләр алар беркайчан да

Бер-берсенә һөҗүм ясамый.

Нинди генә ач булса да ерткыч,

Бүре башын бүре ашамый.

Ач булса да, тук булса да бүре,

Бер-берсенә һич тә тимиләр.

Бүре башын бүре саклый белә,

Бер-бересен һич тә бирмиләр.

Бүре кайгысыннан көлмиләр...»