Җырчы Диләрә Илалетдиновадан балачакның татлы ризыгы – «трубочка» рецептын тәкъдим итәбез.
Камыр өчен: 5 йомырка, 1 стакан шикәр комы, 1 стакан он, 200-250 грамм маргарин.
Ингредиентларны бергә салып камыр ясарга. Махсус форманы утка куеп кыздырып алырга, үсемлек мае белән майларга һәм камыр салырга. «Трубочка»ның ике ягын да кыздырып алырга һәм кайнар килеш төрергә кирәк.
«Трубочка»ның эченә үзегез яраткан кремны да сылый аласыз.
Әгәр «трубочка»ларның йомшак булуын теләсәгез, пакетка тыгып куя аласыз. Кетердәп торган «трубочка» яратучылар татлы ризыкның өстен капламый.
Фото: © Диләрә Илалетдинованың социаль челтәрдәге битеннән
