Татар эстрадасының яшь һәм гүзәл җырчыларының берсе Диләрә Илалетдинова соңгы вакытта сәхнәдә күренми, шулай да социаль челтәрләрдә төрле мәҗлесләрдә чыгыш ясаган видеолары белән уртаклаша. Ул кияүгә чыкты, улы туды. Күңелле мәшәкатьләр белән сәхнәдән вакытлыча югалды.
Җырчы социаль челтәрдәге виртуаль дуслары белән аралашып тора, гаилә тормышы мәшәкатьләре һәм бәйрәмнәрен дә күрсәтә. Бу юлы җырчы күңеле тынычлык тапмавы, тормышындагы зур югалтуы – әнисез калуы турында язган.
«Бүгенге көнем әллә ничек уза. Бер яктан, сөнечле вакыйга – абыйларның туй көне, бабайның туган көне. Икенче яктан, әниемнең үлгән көне. Көне дә елак бүген. Күңелем тыныч түгел. 12 август», – дип күңелен бушаткан ул. Күрәсең җырчының күңелен әнисен сагыну сагышы баскан...
