Җырчы Чәчкә социаль челтәрдәге битенә кызык та, кыю да видео куйган. Билгеле булганча, Чәчкә – аның сәхнә тәхәллүсе. Ул сәхнәдә Чәчкә булып чыгыш ясаганнан соң өенә кайткан һәм Лилиягә әверелүен күрсәткән.
Гадәттә сәхнә йолдызлары «до и после» фото-видеолар ясарга ярата. Иң элек алар бизәнмәгән вакытларын күрсәтә, аннары матур образын тәкъдим итә. Ә Чәчкә киресенчә эшләгән.
Видеода күренгәнчә, ул башта макияжын сөртә, аннары ясалма керфекләрен йолкып ала, соңыннан битенә маска «яба».
Җырчының битен күзәтеп баручылар 2 видеоны да кабул иткән, «икесе дә бик матур» дип язганнар. «Кыю адым» дигән комментарий да бар.