Җырчы Чәчкә күзе шешүе, ягъни «коньюктивит» белән авыруы сәбәпле, социаль челтәрдәге сәхифәсендә югалып торган иде. Хәзер ул язылучылары белән «салют малют» дип хәбәргә чыкты. Хәлләре яхшы булуы, күзе элекке хәлгә кайтуын күрсәтте. Җырчы, күзем шундый хәлдә калыр, дип курыккан булган икән.
«Бу коточкыч иде. Без бит гаилә белән авырдык. Майя авырды, аннары миңа йокты, әтиебез дә авырды, Веснага да күчте. Хәзер рәтләнеп киләбез», – дип сөйләде җырчы.
