Җырчы Алсу Абульханова хәзерге вакытта Дубайда ял итә. Ул язылучылары белән элемтәгә чыккан.
«Кичә көне буе яңгыр яуды. Мондый хәл беренче тапкыр булган. Гадәттә биредә яңгыр 3 сәгать ява да туктый. Ә кичә без тәүлек буе яңгыр туктаганын көттек. Дубайны су басты, кунакханәләргә су керде. Бүген Аллаһка шөкер! Көн кояшлы, диңгез җылы», – дип сөйли җырчы.
Шулай ук ул алдагы көндә төшерелгән видеоны да куйган. Анда машиналарның тәгәрмәчләре яңгыр суында күмелгән, алар акрын гына хәрәкәт итә, кешеләр су ерып йөри. Каты яңгырлар сәбәпле, кичә аэропорт та эшен туктатып торырга мәҗбүр булган, һәм күп кешеләр үз илләренә очып китә алмаган.