«Татар радиосы» алып баручылары җырчы Аишадан кая югалып торуы белән кызыксынган.
«Күпләрегез белгән Аиша бераз югалып торган иде. Кая киткән иде икән ул?» – дип сорыйлар алар артисттан, бер концертның сәхнә артында.
«Мин җырлавымны калдырып, бер ир-атка табынып, аңа бала табып… Менә шулай үземне бүләк иттем дип әйтсәм дә була инде. Чөнки моңа кадәр булган бөтен тормышымны сызып ташладым, аңа ышандым. Күрәсез, без хәзер бергә түгел», – дип җавап кайтара Аиша.
«Ул хәзер кая? Сине карап барамы, күзәтәме? Аралашасызмы? Сезнең бит балагыз бар», – дип тә сорыйлар аннан.
«Аралашмыйбыз. Бала хакына гына әллә нигә бер. Аның инде бер-ике ай баланы күргәне юк», – ди Аиша.
Ә инде иҗатка килгәндә, Аиша планнары зур булуын әйтә. «Мин зурдан куптым, дөресен әйтим. Җырлар яздырып, концертларда катнашып, гөрләтеп иҗат итәсем килә», – ди артист.