Җырчы Айрат Сафинның әбисе тормыш мәгънәсе турында: «Балалар булу – зур байлык»
Җырчы Айрат Сафин 98 яшьлек әбисеннән тормышның мәгънәсе ни булуы турында сорашкан. Әби оныгына яратып «маем» дип дәшә.
«Иң мөһиме – саулык. Вакытың җиткәч гаилә кору, балалар. Балалар булу – зур байлык. Баласыз кеше бәхетсез була. Аллаһ барыбызны да бу дөньяга кунакка җибәргән. Кемгәдер азрак, кемгәдер күбрәк яшәргә биргән. Дөньяның җәннәтендә торабыз», – дип сөйли әби.
Видеоны караучылар күпне күргән әбинең сүзләре белән килешкән, олыгайгач, үзләренә дә шундый аң-зиһен теләгәннәр.