Татар эстрадасындагы буйдаклар саны кимегән, җырчы Айдар Рәкыйпов үзенең сөйгәне белән никах укыткан. Сөенече белән ул социаль челтәрләрдә уртаклаша. «Тормышыбызның яңа этабы», – дип язган ул, никах фотоларын куеп.
Җырчының кәләше Гүзәл исемле. Ул – фотограф.
Күпләр бу яңалыкны көткән булса кирәк! «Котлыйм, брат», «Ну неужели», «Никахыгыз гомерлек булсын», «Ниһаять! Гаилә бәхете телим, Айдар», – дигән комментарийлар бик күп.
Яшьләргә бәхет телибез! Мәхәббәтегез гомерлек булсын!