Җырчы Тарканның бер яшьлек кызы миллионер булган
Җырчы Тарканның бер яшьлек кызы миллионер булган
Төркиянең иң танылган җырчысы Тарканның кызы Лиягә июльдә 1 яшь тулган. Бу хөрмәттән күптән түгел әтисе аңа банкта хисап ачып, бер миллион лира (төрек акчасы) салып куйган, дип яза "Миллият" газетасы.
- Мин кызымның киләчәге өчен бик тә җаваплы, һәрвакыт бу хакта уйлыйм. Бүгенге көннән кызымның хисабына акчаны даими салачакмын, - дип сөйләгән журналистларга Таркан.
Таркан чыннан да күп эшли, аның гастроль графигы берничә айга алдан язылган. Таркан Европада 10 концерт бирә, күптән түгел аның концерты Казанда да узды. Россиянең бик күп шәһәрләрендә дә булды ул.