Җырчы Рузилә Хәертдиновага:«Ирегез белән аерылыштыгызмы әллә?»
Җырчы Рузилә Хәертдинова хәзерге вакытта кызы Ясминә белән Төркиядә ял итә. Инстачыларны кайбер сораулар борчый башлаган.
Язылучылар җырчының тормыш иптәше белән кызыксынган. «Сез Төркиягә икәү генә очтыгызмы?», «Ирегез кайда сезнең? Әллә аерылыштыгызмы? Бер дә күрсәтмисез ирегезне?», «Ирегез кайда эшли?» — дип аптыраган алар.
«Минем ирем публика кешесе түгел. Үзен күрсәткәнемне, төшергәнемне яратмый ул. Тормыш иптәшемне күрсәтмәвем аның юклыгы хакында сөйләми. Бәхет тынычлыкны ярата. Начар күзләрдән саклыймдыр мин аны. Нормаль эштә эшли. Ирегезнең кайда эшләгәнен сез дә бөтен дөньяга чыгарып, сөйләп йөрмисездер», - дип җавап кайтарган җырчы Рузилә Хәертдинова.
