Җырчы Рузилә Хәертдинова: «Хәзер Гүзәлия белән эшләмибез»
Яшь җырчы Рузилә Хәертдинова инстачыларның кайбер сорауларына җавап бирде.
Күпләр җырчының продюсеры Гүзәлия белән эшләве хакында кызыксынган. «Гүзәлия белән эшләмисезме әллә хәзер?» — дип сораган бер инстачы.
«Әлеге темага карата бик күп сораулар килә. Юк, эшләмибез», — дип җавап биргән җырчы.
«Ни өчен 14 февраль көнендә ирегез янәшәдә түгел? Сез аерылыштыгызмы, әллә аерым яшисезме?» — дигән сорауга җырчы: «Монда җавапның дөрес варианты юк», — дип язган.
«Сез Инстаграм битегезне үзегез алып барасызмы, әллә ярдәмчегез бармы?», «Акчамы, әллә мәхәббәтме?» — дип сораучылар да булган.
«Инстаграм битемне үзем алып барам. Акчаны эшләп алып була, ә менә мәхәббәтне акчага сатып алып булмый. Мәхәббәт ул — шатлык, кәеф, көч. Шулай ук яхшы акча эшләү мөмкинлеге. Үзеңне канатлы итеп хис иткәндә һәм эшеңне яратып эшләгәндә барысы да килеп чыга», — дип җавап кайтарган Рузилә Хәертдинова.
