Барлык язмалар news_header_top_970_100
news_header_bot_970_100
Язманы тыңлагыз

Җырчы Руслан Хәсәнов, биеклектән егылып төшеп, авыр хәлдә хастаханәдә ята

Татар эстрадасы артистлары Русланга ярдәм кирәк булуы турында яза.

news_top_970_100
Җырчы Руслан Хәсәнов, биеклектән егылып төшеп, авыр хәлдә хастаханәдә ята
https://www.instagram.com/aigul_barieva/

Бер төркем татар эстрадасы артистлары сәхнәдәшләре, халыкара «Татар моңы» фестивале, «Болгар» Милли музыка премиясе лауреаты Руслан Хәсәновның бәлагә юлыгуын хәбәр итә.

Җырчы 20 октябрь көнне биеклектән егылып төшә. Русланның башына бик каты зыян килә. Ике катлаулы операция кичергәннән соң, ул бүгенге көндә Республика клиник хастаханәсенең реанимация бүлегендә ята. Табиблар Русланның хәле тотрыклы, әмма авыр дип билгеләгән. Бу хакта инстаграм сәхифәләрендә Айгөл Бариева, Гөлнара Габидуллина, Сиринә Зәйнетдинова, Алия Исрафилова, Ринас Әхмәтов, Алинә Сафиуллина, Альбина Апанаевалар язган.

«Нинди куркыныч заманда яшибез без… Күзне ачу белән hәр көн диярлек шомлы хәбәргә юлыгабыз… Кызганыч, бу юлы авыр хәбәр безне дә читләтеп үтәсе итмәде…Үзе ярдәм кирәк булганнар янәшәсеннән беркайчан да тыныч кына үтеп китмәүче, hәрдаим хәйрия концертларын оештырып, катнашып, ярдәм кулы сузучы Русланыбыз бүген үзе дә ярдәмгә мохтаҗ. Алда аны бик зур hәм авыр реабилитация чоры көтә», — дигән Айгөл Бариева.

Албина Апанаева Руслан белән танышкан вакытларын искә төшергән. «Руслан миңа моннан 20 ел элек Кукмарада концертлар оештырырга ярдәм иткән иде. Соңыннан аның белән күп тапкырлар Сабантуйларда очрашырга туры килде. Ул үзе гел хәйрия концертлары куя иде. Кызганыч, аның үзенә бүген ярдәм кирәк», — дип яза ул.

Җырчылар сәхнәдәшләренең бик гади һәм искиткеч чиста күңелле кеше булуын да билгеләп үткән.


Комментарийлар (1)
Калган символлар:
  • 28 гыйнвар 2023
    Исемсез
    Руслан хэзергесе вакытта исэн саумы терелдем икән языгыз эле???
news_right_column_1_240_400
news_right_column_2_240_400
news_right_column_3_240_400
news_bot_970_100