Җырчы Нурзадә кияүгә чыгамы?
Ул Зәмирә Рәҗәпова белән ирен туйга чакырып комментарий язган.
«Яңа Гасыр» каналында «Әй язмыш, язмыш» тапшыруын алып баручы Зәмирә Рәҗәпова инстаграмда үз сәхифәсендә ире белән төшкән фотосын куйган.
«Без бүген тагын туйда! Киләсе атнада кемнең туена килик?» — дип тә язган ул.
Комментарийны беренче булып җырчы Нурзадә язган: «Минекенә дә килерсез әле. Мондый матур кунакларны күрсәм, шат булырмын». Җырчы әллә чынлап язган, әллә шаярган, анысы билгесез.
Алып баручының виртуаль дуслары кунакчыл халык булып чыккан. Туйсыз гына кунак булырга чакырганнар.
