Җырчы Иркә үзенең яшь чакта төшкән видеосын күреп шаккаткан
Инстачылар җырчының тавышы үзгәрмәве турында язган.
«Татар радиосы»ның инстаграмдагы төркеменә җырчы Иркәнең яшь һәм ябык чактагы видеосын куйганнар. Комментарий язучылар арасында беренче булып Иркә үзе язган.
«Әй җаныем, бигрәк нечкә булганмын. Аякларым ничек сынып китмәгән икән дип карадым», — дип язган җырчы.
«Шәрә бака» дип язган инстачыга җырчы «бакага охшамаган бит, челәнгә күбрәк охшаган» дип җавап язган.
«Бу матур кыз бигрәк зифа булган», «Шул ук тавыш, шул ук моң», «Тавышыгыз бер дә үзгәрмәгән. Саф, чиста килеш сакланган», — дип комментарийлар калдырган Иркәнең тамашачылары.