Җырчы Иркә чын ир-атларга: «Зинһар, дилбегәне ныклап тотыгыз»
Инстачыларның күпчелеге җырчының сүзләре белән килешкән.
Җырчы Иркәнең чын ирләргә дә, шулай ук социаль челтәрдә кеше тикшереп утырган ирләргә дә сүзе бар. Ул бу турында инстаграмда үз сәхифәсендә язган.
«Мин, 3 малай арасында үскән кыз, 90нчы еллар тәрбиясен үз итәм. Ир-атларның чын булуы, әйтсә эшли, алдашмый, типсә тимер өзәрдәй, нык, эштән курыкмый торган ир-атлар белән үстем. Әти дә кайвакыт кырыс булды. Әле дә әнә шундый кешеләр эзлим. Йомшак, күп сөйләүчеләрне җенем сөйми, күрмәмешкә салышам мин аларны.
Әнә шул «пацан» холкы кайвакыт үземдә дә чагыла. Хатын-кыз болай итеп фотога төшәргә тиеш түгел бит. Ә мин төштем.
Кайбер тартып торган ыштан кигән, салонга барып тырнак кистереп, инстагрмда кеше тикшереп утырган ирләр, әз генә ата-бабалардан үрнәк алыгыз.
Ә чын ирләргә рәхмәт әйтим әле, сез бик күп калмасагыз да, зинһар, дилбегәне ныклап тотыгыз, сез безгә бик кирәк.
Мин өч абыема рәхмәтлемен. Сез биргән тәрбия хәзер миңа нык булыша», — дип язган җырчы.
Иркәнең виртуаль дуслары аның сүзләре белән килешкән, әмма аның нәрсә әйтергә теләгәнен аңлап бетермәүчеләр дә бар.