Җырчы Иркә атка атланып авылына кайтырга җыенган
Ул әнисе белән телефоннан сөйләшү турында язган.
Җырчы Иркә яңа фотосессиясеннән атка атланып төшкән фото куйган.
«Атландым атның биленә, киттем Чәтрән җиренә», — дип язган җырчы фото янына. Ул Аксубай районының Яңа Ибрай (Чәтрән) авылында туган.
«Көн матур, кояш чыккан, җиле дә салмак кына», — дип башлады әни, иртәнге җиденче яртыда шалтыратып. «Әйе, әни. Урманда йөреп кайтырга исәп», - дип җавап бирдем. «Кызым, урманга икәү барырбыз. Туган авыл урманнарының һавасы да бик шифалы. Тик урманга арт бакча аша барасы, чүп баскан», — ди. Шәп минем әнием. Хисләнергә урын калдырмады. Әйтте икән, үтәргә инде. Әни бит!» — дип язган җырчы.
«Әниләр шундый инде алар. Эш тә эш. Исән-сау булганда кайтыгыз. Рәхәтләнеп кайтып эшләр идек әле. Йозак эленгән йортка кайтабыз», «Әниләр исән-сау булганда кайтыйк», — дип комментарий калдырган әнисез калган инстачылар.
«Иркә, син күп нәрсәгә сәләтле. Син ярата да, кызгана да, эшли дә беләсең. Булдырасың!» — дип мактап комментарий калдырган бер инстачы.