Җырчы Ильвина: «Элекке ирем белән аралашмыйм»
Ильвина инстачыларның кайбер сорауларына җавап бирде.
«Сез элекке ирегез белән элемтәдә торасызмы? Кызыгыз белән күрешәме?» — дип кызыксынган бер инстачы.
«Миңа мондый сораулар килгәч, мөһим мәсьәләдер инде бу. Элекке ирем белән аралашмыйм. Балабыз зур. Аларның араларына кысылмыйм», — дип җавап кайтарган җырчы.
«Яраткан кешегез белән ничек таныштыгыз? Кайчаннан бирле бергә?», «Тагын бер бала хакында уйланасызмы?» — дип сораучылар да булган.
«Ул минем тормышыма кинәт кенә килеп керде. Тиздән беренче бишьеллыкны билгеләп үтәчәкбез», «Җитәр уйланырга, эшли башларга кирәк», — дигән Ильвина.
Исегезгә төшереп үтәбез, җырчы Ильвинаның элекке иреннән 9 яшьлек кызы Раяна бар. Җырчы хәзерге вакытта «Motionkids» брендлы балалар киемнәре тегү белән шөгыльләнә.
