Җырчы Гүзәлия үзе белән эшләргә ризалашкан психологка ярдәм кирәк булачагын әйткән
Җырчы Мәскәүдә яшәп иҗат итә.
Мәскәүдә яшәп итүче автор-башкаручы, продюсер Гүзәлия үз тормышы турында берничә җөмлә генә әйткән һәм шуннан барысы да аңлашыла.
«Әгәр мин психологка үз тормышымны бөтен нечкәлекләре белән сөйләп бирсәм, мөгаен, ул миңа үзе өстәп түләр һәм китеп барыр иде валерьянка эчәргә… Яки виски… Яки икесен берьюлы…» — дип язган ул.
Инстачылар җырчының гүзәллегенә сокланган һәм аның өчен борчылуларын белдергән.
Җырчыны виртуаль дуслары тынычландырырга тырышкан:
«Йокларга яткач, уем белән авылның бер башыннан кереп китәм дә кырыена чыгып житә алмыйм — берсенен дә „сарае“ буш тугел дип әйтә иде әни»;
«Сынауларны уза-уза, түз йөрәгем дип алга атлый инде һәр кеше, нишлисең?! Бар да узар, Алла боерса, яхшы булыр, сез — көчле зат бит, Гүзәлия!»
«Сез чибәр һәм кызыклы хатын-кыз», — дип сокланган берәү.