Җырчы, көйләр авторы, продюсер Гүзәлиянең әнисе вафат булган. Ул кайгылы хәбәр белән инстаграмда бүлешә.
«Бу күлмәкне бик яраттың…Озак кына кия алмадың…Урының оҗмахта булсын», — дип язган ул.
Сәхнәдәш дуслары Гүзәлиянең тирән хәсрәтен уртаклашкан.
«Сания апа… Матур киенеп, сәхнәләргә менеп җырлаулары… Кеше ике уйлаганчы, инде кирәк җиренә барып җитүе. Мөмкин булганда бер концертны калдырмас иде. Җор телле Сания апа. Урының җәннәт түрләрендә булсын»;
«Урыннарың, оҗмах түрләрендә булсын, әбекәй. Якты йөзле, матур, киң күңелле, йомшак куллы буын кешеләре. Күпне күрдегез инде, сез дә оҗмахта булмасагыз»;
«Гүзәлия, йөрәк елый. Бу кайгының бушлыгын тутырырлык бернәрсә юк икәнлеген беләм. Шулай инде, әнкәйләр безне калдырып китә. Әниләр белән балачак китә, чөнки алар булганда без үзебезне бала итеп хис итәбез. Башыбыздан сыйпап, „балам“ дип эндәшүче иң якын кеше ташлап китүе бик авыр. Авыр туфраклары җиңел, кабере якты булсын. Сиңа сабырлык телибез», — дигәннәр.