Җырчы Гүзәлем ире Салаватка һәм аның әнисенә рәхмәт әйткән
Гүзәл яңа фотосессиядән матур фото куеп, инстачыларны сокландырган.
Җырчы Гүзәлем ире белән төшкән матур фото куйган. Фото янына ире Салаватка һәм аның әнисенә рәхмәт әйтеп язган.
«Бүген минем нинди булуым — минем иремнең тырышлыгы. Бу көнгә кадәр ул мине тискәре гамәлләре белән җәфаламады. Миңа кара эш эшләтмәде. Миңа ямьсез сүз әйтмәде, тәнкыйтьләмәде, тупас сүзләр кычкырмады. Киресенчә, кочаклый, үбә һәм ярата. Мине һәрвакыт мактый һәм матур сүзләр әйтә. Куркыныч нәрсәләрдән саклый һәм яклый.
Аның янәшәсендә мин үземне матур, гүзәл, тыныч хис итәм. Рәхмәт сиңа, булганың өчен. Минем өчен шундый ир-ат тәрбияләгән әнисенә рәхмәт. Еллар дәвамында безнең гаилә тагын да ныгысын», — дип язган җырчы.
Гүзәлемнең мондый сүзләрен укыгач, ире Салаватның да күңеле булган. «Бу сүзләрне ишетү бик рәхәт. Аллам безне чир, кайгы, хәсрәтләрдән сакласа иде», — дип комментарий калдырган ул.
Иҗади гаиләнең виртуаль дуслары Миңнехановлар гаиләсенә соклануын белдергән. Матур гаилә булып яшәүдә Гүзәлемнең дә тырышлыгы булуы турында язганнар.
«Үрнәк гаилә. Ул икегезнең тырышлыгыгыз»;
«Күп хатын-кыз андый ир-ат янәшәсендә булырга теләр иде»;
«Салават башка ир-атларга үрнәк»;
«Алтын сүзләр! Һәрвакыт шулай булсын»;
«Бәхетне саклый күр. Күз тидермәсеннәр!»;
«Гаҗәеп нәфислек», - дип комментарий калдырган инстачылар.
«Ирләрне Идел кичеп, ахыргы ярга чыкмыйча мактарга ярамый дигәнне белмисеңме? Бик мактама. Бәхетле булыгыз, сүз дә юк. Бу артык төчеләнү дип аталмый микән…» — дип акыл өйрәткән берәү.